राज्याचे माजी गृहमंत्री स्व. आर. आर. पाटील यांचे वारसदार आता लवकरच विधान सभा लढवणार आहेत. असे जयंत पाटील यांनी सांगलीतील एका कार्यक्रमात स्पष्ट केले.आबांचे चिरंजीव रोहित पाटील हे तासगाव विधानसभा मतदारसंघातून २०२४ ची निवडणूक लढवतील, अशी घोषणा जयंत पाटील यांनी केली आहे. आबांसारखी रोहितची वक्तृत्वशैली आहे. त्यामुळे पुढची विधानसभा रोहितला मिळणार असल्याचे यावेळी पाटील यांनी जाहीर केले.महाराष्ट्राचे माजी उपमुख्यमंत्री आर. आर. पाटील यांचे १६ फेब्रुवारी २०१५ ला निधन झाले. सांगलीजवळच्या तासगावातून अत्यंत तळातून उपमुख्यमंत्रीपदापर्यंत मजल मारलेल्या पाटील यांची प्रतिमा ग्रामीण महाराष्ट्राचा चेहरा अशी होती. तब्बल पाचवेळा आमदार म्हणून निवडून आलेल्या पाटील यांनी सर्वात जास्त काळ गृहमंत्रीपदही भूषवले होते.त्यांच्या निधनानंतर त्यांच्या पत्नी सुमन पाटील यांना राष्ट्रवादीने उमेदवारी दिली होती. त्या मोठ्या मताधिक्याने तासगाव मतदारसंघातून निवडून गेल्या होत्या.
कोई टिप्पणी नहीं:
एक टिप्पणी भेजें